ՌԴ նախագահ Վլադիմիր Պուտինը ՀՀ նախագահ Սերժ Սարգսյանին շնորհավորել է Անկախության տոնի կապակցությամբ՝ առանձնացնելով ԵՏՄ–ի, ՀԱՊԿ–ի եւ ԱՊՀ–ի շրջանակներում հայ–ռուսական արդյունավետ համագործակցությունը, հայտնում են Կրեմլի մամուլի ծառայությունից։
Շնորհավորական հեռագրում Պուտինը նշել է, որ ընթացիկ տարում Ռուսաստանը եւ Հայաստանը 2 կարեւոր բան ունեն նշելու՝ դիվանագիտական հարաբերությունների հաստատման 25-ամյակը եւ Բարեկամության, համագործակցության ու փոխօգնության մասին պայմանագրի ստորագրման 20-ամյակը։
ՌԴ նախագահը բարձր է գնահատել երկկողմ կապերի զարգացման ուղղությամբ գրանցած հաջողությունները եւ ԵՏՄ–ի, ՀԱՊԿ–ի եւ ԱՊՀ–ի շրջանակներում հայ–ռուսական արդյունավետ համագործակցությունը։
Պուտինը վստահություն է հայտնել Ռուսաստանի եւ Հայաստանի միջեւ դաշնակցային հարաբերությունների հետագա խորացման հարցում՝ ի շահ երկու երկրների ժողովուրդների եւ Հարավային Կովկասում կայունության ու անվտանգության ապահովման համար։
