Հազարավոր ֆիլիպինցիներ երկրի նախագահ Ռոդրիգո Դուտերտեի դեմ բողոքի ակցիայի են մասնակցում։ Մարդիկ իրենց բողոքն արտահայտում են երթերի եւ եկեղեցական պատարագների միջոցով, հաղորդում է Reuters-ը։ Մասնակիցները Դուտերտեին մեղադրում են բռնապետության մեջ եւ բողոքում են նրա վարած քաղաքականությունից, այդ թվում թմրավաճառների դեմ հայտարարած պատերազմից, որը 3000 մարդու կյանք է խլել։
Ցուցարարները բողոքի ակցիաներին մասնակցում են «Դադարեցրե՛ք սպանել» եւ «Ո՛չ ռազմական օրեքներին» պաստառներով: Նրանք այրում են Դուտերտեի դիմանկարները, որին համեմատում են Ադոլֆ Հիտլերի հետ։