Չինական ինտերնետային հսկա Ալիբաբայի աճուրդում 3 հատ Բոինգ-747 ինքնաթիռ կվաճառվի։ Այս մասին հինգշաբթի հայտարարել է Ալիբաբա ընկերությունը, հաղորդում է «Սինխուան»։
Ինքնաթիռների նախնական գինը 390 մլն յուան է։ Երեքն էլ պատկանում են միջազգային բեռնափոխադրումներ իրականացնող «Jade» ավիաընկերությանը։ Այն Չինաստանում առաջինն օդային բեռնափոխադրումների համատեղ ձեռնարկությունն է, որը սնանկացել է:
Հաղորդվում է, որ դա կլինի դատական որոշմամաբ Բոինգ 747-ի՝ աշխարհում առաջին օնլայն վաճառքը։
2015 թվականից այս ինքնաթիռների օֆլայն աճուրդը 6 անգամ է անցկացվել։
