ԱՄՆ պետքարտուղար Ռեքս Թիլերսոնը ուրբաթ մեկնաբանել է իր հնարավոր հրաժարականի մասին լուրերը` ասելով, որ չի պատրաստվում դա անել: Այս մասին նա հայտարարել է ABC-ին տված հարցազրույցում:
«Կարծում եմ, որ մենք արդեն ունենք պետքարտուղար, եւ նա մտադիր է մնալ իր պաշտոնում», - ասել է Թիլերսոնը:
Ավելի վաղ ամերիկյան լրատվամիջոցներում տեղեկություն էր հայտնվել այն մասին, որ Թիլերսոնը կարող է մինչեւ տարեվերջ հրաժարական տալ, իսկ նրա տեղը կզբաղեցնի ՄԱԿ-ում ԱՄՆ մշտական ներկայացուցիչ Նիկի Հեյլը, հաղորդում է ՏԱՍՍ-ը։
