Ոչնչացման մասին ԱՄՆ սպառնալիքները կհանգեցնեն նրան, որ ԿԺԴՀ-ն կցանկանա ուժեղացնել միջուկային ծրագիրը, համարում է WikiLeaks-ի հիմնադիր Ջուլիան Ասանժը, փոխանցում է ՌԻԱ Նովոստին։
«Երկրների «ոչնչացման» մասին Այդ բոլոր սպառնալիքները կհանգեցնեն նրան, որ այդ երկրները կցանկանան միջուկային զենք ունենալ, որպեսզի վստահ լինեն, որ Իրաքի կամ Լիբիայի ճակատագրին չեն արժանանա»,- գրել է Ասանժը Թվիթերում։
Ավելի վաղ ԱՄՆ նախագահ Դոնալդ Թրամփը, ելույթ ունենալով ՄԱԿ-ի տրիբունայից, հայտնել էր, որ ԱՄՆ-ն չի ունենա այլ ելք, ԿԺԴՀ-ին ոչնչացնելուց բացի, եթե վերջինը սպառնա Միացյալ Նահանգներին։
