ՄԱԿ մարդու իրավունքներով գերագույն հանձնակատար Զեյդ Ռաադ ալ-Հուսեյնը ցնցված է Իրաքում իրականացված զանգվածային մահապատժից։
Հանձնակատարը հայտնել է, որ սարսափած է այն փաստից, որ բոլոր մահապատիժները նույն օրն են իրականացվել, նաեւ հիշեցրել է, որ մահապատիժը կարող է կիրառվել միայն դատական անհրաժեշտ ընթացակարգերին խստագույնս հետեւելու դեպքում։
ՄԱԿ մարդու իրավունքներով վարչության նախագահ Ռավինա Շամդասանիի խոսքով՝ իրաքյան արդարադատության համակարգն ամենաարատավորներից մեկն է աշխարհում։ «Դրա համար էլ գոյություն ունի մեծ հավանականություն, որ տեղի ունեցածը կարող է լինել դատական համակարգի կոպտագույն սխալը։ Այդ մարդկանց մասին տեղեկություններ քիչ կան։ Իրաքյան կառավարությունը հավաստիացնում է, որ այդ մարդիկ ԻՊ-ի կամ Ալ Կաիդայի անդամներ են»,- համարում է նա։
Մարդու իրավունքներով վարչությունը հարցում է արել այդ դատապարտյալների մասին, նրանց առաջադրված մեղադրանքների ու նրանց ձերբակալության հանգամանքների մասին, բայց այդ տեղեկություններն այդպես էլ չեն տրամադրվել։
Հիշեցնենք, որ Էն Նասիրիա քաղաքի բանտում կիրակի մահապատժի է ենթարկվել 42 մարդ։ Նրանց կախաղան են հանել։
