Շոտլանդիայի առաջին նախարար Նիկոլա Սթերջոնը Իսպանիայի իշխանություններին կոչ է արել փոխել Կատալոնիայի անկախության հանրաքվեի հետ կապված քաղաքականությունը, որն ընթանում է ոստիկանության հետ բախումների ֆոնին, փոխանցում է AP-ն:
Twitter-ի իր միկրոբլոգում նա նշել է, որ չափազանց մտահոգված է տեսահոլովակներով եւ ֆոտոռեպորտաժներով, որոնցում ոստիկանները ներխուժում են ընտրատեղամասեր եւ մարդկանց ուժով հեռացնում: Նրա խոսքով՝ «անկախ անկախության վերաբերյալ կարծիքից՝ մենք պետք է նման տեսարանները դատապարտենք»: Նա Իսպանիային կոչ է արել «քաղաքականությունը փոխել մինչեւ որեւէ մեկը լրջորեն կտուժի: Մարդկանց թույլ տվեք խաղաղ քվեարկել»:
