ՆԱՏՕ-ի առաքելության շրջանակներում Դանիան մտադիր է Աֆղանստան ուղարկել եւս 55 զինվորի՝ անցյալ շաբաթ դանիական պահակախմբի հարձակումից հետո անվտանգության ապահովումը ուժեղացնելու համար, հաղորդում է Reuters-ը:
Զինծառայողները կօգնեն Աֆղանստանում գտնվող 97 դանիացի զինվորներին՝ պաշտպանելու Քաբուլի մոտ գտնվող աֆղանական ռազմական ակադեմիա ուղեւվորվող եւ վերադարձող խորհրդականներին:
«Եթե Աֆղանստանի կառավարությունը կորցնի վերահսկողությունը, Աֆղանստանը ահաբեկչական խմբերի համար կրկին ապաստարան կդառնա, եւ մենք հնարավոր է դեպի Եվրոպա եւ Դանիա փախստականների նոր ալիքի հետ բախվենք», - ասել է արտաքին գործերի նախարար Անդերս Սամուելսենը:
55 դանիացի զինվոր Քաբուլ կուղեւորվի 2018 թվականի սկզբին: