Սպիտակ տունը կարծում է, որ Լաս Վեգասի հրաձգության կապակցությամբ ներկա պահին զենքի վաճառքի վերահսկման միջոցների քննարկումը տեղին չէ: Մեկնաբանելով համապատասխան կոչերը՝ ասել է Սպիտակ տան մամուլի քարտուղար Սառա Սանդերսը: Նա նշել է, որ քաղաքական բանավեճերն ունեն իրենց տեղն ու ժամանակը, բայց հիմա երկրի միավորման ժամանակն է:
«Ներկա պահին հետաքննությունը շարունակվում է, դրդապատճառը դեռեւս հայտնի չէ, եւ վաղաժամ է քաղաքականության մասին խոսել, երբ մենք ամբողջությամբ չգիտենք բոլոր փաստերը», - նշել է նա:
Հրաձգությունը տեղի է ունեցել երաժշտական փառատոնի ժամանակ՝ կիրակի երեկոյան, Լաս Վեգասի օդանավակայանի եւ Mandalay Bay հյուրանոց-խաղատան միջեւ հատվածում:
Արդյունքում զոհվել է ավելի քան 50 մարդ, եւ 400-ից ավել մարդ վիրավորվել է:
Հրաձգությունը կատարվել է հյուրանոցի 32-րդ հարկից: Համերգի ժամանակ ներկա են եղել տասնյակ հազարավոր մարդիկ: Ոստիկանության տվյալներով՝ հրաձգությունը կատարվել է 64-ամյա Սթիվեն Պեդոկի կողմից, ով ինքնասպան է եղել ոստիկանության աշխատակիցների ժամանելուց առաջ: