Հայաստանը պետք է ԵՏՄ-ում մյուս պետությունների հետ հավասար դիրքերում լինի։ Այս մասին ԱԺ-ում հոկտեմբերի 3-ին հայտնել է «Ելք» դաշինքի պատգամավոր Սասուն Միքայելյանը՝ ներկայացնելով իր խմբակցության տեսակետը ԵՏՄ-ից երկրի դուրս գալու մասին հենց այդ նույն խմբակցության ներկայացրած հայտարարության նախագծի մասին։
«Մենք պետք է լինենք ինչպես հավասարը հավասարի հետ։ Իսկ Նազարբաեւը հայտարարում է, որ մենք պետք է ԵՏՄ-ից դուրս գանք առանց Ղարաբաղի։ Դա անթույլատրելի է։ Հայաստանի ղեկավարին ոչ ոք չպետք է մատով սպառնա։ Մեզ պետք է որպես ինքնիշխան պետություն ընկալեն»,- ասել է նա։ Միքայելյանի խոսքով՝ գլխավորը ազգային անվտանգության հարցն է, իսկ ԵՏՄ-ին անդամակցությունը կարեւոր է այնքանով , որքանով կարող է օգնել կամ խանգարել դրան։