Հայաստանում գրեթե 50 հազար անապահով թոշակառու կա: Հոկտեմբերի 3-ին ԱԺ-ում պատգամավորական հայտարարությունների ժամին այս մասին նշեց «Ծառուկյան» խմբակցության քարտուղար Վահե Էնֆիաջյանը:
Հայաստանում աղքատությունը մոտ 30 տոկոս է կազմում, ինչը նշանակում է, որ նվազագույն կարիքները չի կարողանում հոգալ մոտ 1 մլն բնակիչ: Դրան հավելվում են միգրացիայի բարձր տեմպը եւ ցածր ծնելիությունը:
«Մենք առաջարկում ենք նվազագույն աշխատավարձերի վերանայում, էլեկտրաէներգիայի սակագնի նվազեցում եւ հարկային տույժ-տուգանքների ներում, որը մոտ 60 մլրդ դրամ է կազմում (մոտ 125 մլն դոլար – խմբ.): Եվ մենք հստակ նշել ենք այս նպատակի համար անհրաժեշտ ֆինանսական աղբյուրները»,- հայտարարեց Էնֆիաջյանը:
