Հայաստանի պետական եկամուտների կոմիտեի նախագահ Վարդան Հարությունյանը ամփոփում է իր գործունեության մեկ տարին:
Նշենք, որ նախորդ իր ասուլիսում ՊԵԿ նախագահը նշել էր, որ 2016-ի հոկտեմբերից 2017-ի ապրիլ ընկած ժամանակահատվածում ապահովել է մոտ 654 մլրդ դրամի հարկային եկամուտներ, որը նախորդ տարվա նույն ժամանակահատվածի համեմատ աճել է 7,6 տոկոսով։ Հարկային մասով աճը կազմել է 9,4 տոկոս, իսկ մաքսային մարմինների մասով՝ 1,9 տոկոս։
Այդ ժամանակահատվածում 2,5 անգամ նվազել է հարկային մարմնի կողմից իրականացված հսկողական միջոցառումների թիվը:
«2016 թվականի դեկտեմբերի վերջին խոշոր հարկ վճարողների մոտ ստվերը գնահատվում էր 48,8 տոկոս։ Հիմա ստվերը նվազել է՝ մարտին հասնելով 33,2 տոկոսի։ Խոշոր հարկ վճարողների հարկային տեսչության կողմից ռիսկային գնահատված հարկ վճարողների միջին մասական ստվերը նվազել է 32 տոկոսով»,-ասել էր նա:
