ՌԴ նախագահ Վլադիմիր Պուտինը հայտարարել է, որ դեռ չի որոշել, թե առաջադրվելու է արդյոք 2018–ի նախագահական ընտրություններին։ Հիմնական թեկնածուներն իրենց պլանների մասին կհայտարարեն նոյեմբերի վերջին կամ դեկտեմբերի սկզբին, հայտնում է
«ՌԻԱ Նովոստի»–ն։
«Ոչ, ես դեռ չեմ որոշել ոչ միայն այն, թե ում դեմ եմ առաջադրվելու, այլ նաեւ չեմ որոշել, թե առաջադրվելու եմ ես առհասարակ»,– ասել է Պուտինը՝ պատասխանելով հարցին, թե որոշել է նա, արդյոք ում դեմ է առաջադրվելու։
Պուտինը նշել է, որ օրենքով նոյեմբերի վերջին դեկտեմբերի սկզբին պետք է հայտարարվի նախագահական ընտրարշավի մասին։
«Կարծում եմ, որ մինչեւ այդ հիմնական թեկնածուները կհայտնեն այդ մասին, կհրապարակեն իրենց նախընտրական ծրագրերը»,– ասել է ՌԴ նախագահը։
