Իրանի տեսանկյունից իր հարեւանների համեմատ Հայաստանի ընդգծված առավելությունն հայկական զինված ուժերի ջանքերով հյուսիսային հատվածում անվտանգության ապահովումն է: Այս մասին Facebook-ի իր էջում գրել է իրանագետ Արմեն Իսրայելյանը՝ հավելելով, որ այդ կարծիքը գնալով ավելի մեծ տարածում է ստանում իրանցի փորձագետների շրջանում:
«Իրանի հեղինակավոր պարբերականներից մեկը՝ «Իրան» օրաթերթը ՀՀ կառավարության ղեկավարի Իրան կատարած այցին անդրադարձել է «Թեհրանի եւ Երեւանի ռազմավարական հարաբերությունները» վերտառությամբ հոդվածով՝ հատուկ շեշտելով սահմանային անվտանգության հարցը:
Այդ համատեքստում Իրանի ԱԳՆ մամուլի խոսնակ Բահրամ Ղասեմին եւս կարեւորել է Հայաստանի հետ հարաբերությունների խորացումը՝ հավելելով, որ Կովկասի տարածաշրջանն Իրանի համար կարեւոր ռազմավարական նշանակություն ունի»,-գրել է իրանագետը: