Անկարայի ոստիկանությունը ջրցան մեքենաներ, արցունքաբեր գազ եւ ռետինե փամփուշտներ է կիրառել իշխանությունների արգելած ակցիայի մասնակիցներին ցրելու համար։ Ակցիան նվիրված էր երկրի պատմության մեջ ամենախոշոր ահաբեկչության 2-րդ տարելիցին, հայտնում է Evrensel կայքը։
Չնայած այն հանգամանքին, որ զանգվածային ակցիան արգելված էր, մոտ 150 ցուցարար փորձել է ներթափանցել ահաբեկչության վայր՝ ճեղքելով ոստիկանների շղթան։ Ձերբակալվել է 7 մարդ։
2015–ի հոկտեմբերի 10-ին Անկարայի երկաթուղային կայարանում պայթյունների հետեւանքով զոհվել էր 102 ցուցարար, որոնք բողոքում էին երկրի հարավ–արեւելքում բռնության սաստկացման դեմ։ Այստեղ 2015-ից վերականգնվել էր Քրդական բանվորական կուսակցության եւ իշխանությունների միջեւ հակամարտությունը։ Ըստ դատախազության՝ ահաբեկչությունը կազմակերպել էր ԻՊ–ը։