ՀԱՊԿ Օպերատիվ արձագանքման հավաքական ուժերի զորավարժությունները ենթադրում են ինչպես պաշտպանական, այնպես էլ հարձակողական գործողությունների համալիր։ Երեւանում տեղի ունեցած մամուլի ասուլիսի ժամանակ այս մասին հայտնել է ՀԱՊԿ ՕԱՀՈՒ միացյալ շտաբի պետ գեներալ-գնդապետ Անատոլի Սիդորովը։
Անատոլի Սիդորովը նշել է, որ զորավարժությունների պլանի համաձայն՝ պայքար է տեղի ունենում ապօրինի խմբավորումների, դիվերսիա եւ հետախուզություն իրականացնող խմբերի դեմ, եւ արդյունքում հետ է մղվում թշնամու պարբերական ուժերի հնարավոր հարձակումը։ «Չի կարելի միայն հետ մղել, նահանջել, վարել դիրքային, մանեւրային պաշտպանություն։ Չէ՞ որ նպատակը ինքնիշխանության եւ պետական ամբողջականության պաշտպանումն է, եւ հետեւաբար, իրավիճակի վերականգնումը, որը կարող է կորել պետական սահմանին։ Իսկ դրան կարելի է հասնել միայն հարձակողական գործողություններով։ Այդ պատճառով, զորավարժություններն անցկացվում են համալիր վարժանքներով»,-նշել է Անատոլի Սիդորովը՝ հավելելով, որ ներխուժած հակառակորդին ջախջախելու համար կիրառվում է ՀԱՊԿ ՕԱՀՈՒ տրամադրության տակ գտնվող կրակային եւ այլ միջոցների ողջ հնարավորոությունը։
Միացյալ շտաբի պետը նաեւ հայտնել է, որ զորավարժությունների ընթացքում փորձարկման ռեժիմով սկսել է գործել ճգնաժամային արձագանքման կենտրոնը: