Facebook-ի հիմնադիր Մարկ Ցուկերբերգը հայտարարել է, որ 2018-ին ընկերությունը վիրտուալ իրականության Oculus Go սաղավարտ կթողարկի: Այն կարժենա 99 դոլար եւ վիրտուալ իրկանությունը ավելի լայն շերտերին հասանելի կդարձնի, հաղորդում է BBC-ն:
Oculus Rift-ը՝ մարտին Facebook-ի կողմից ներկայացված վիրտուալ իրականության ակնոցը, շատ քիչ վաճառվեց բարձր գնի պատճառով՝ 599 դոլար: Այժմ Facebook-ը Rift-ի գինը 200 դոլարով իջեցրել է:
Ընկերությունը մտադիր է առաջիկա տարիներին վիրտուալ իրականություն մոտ մեկ միլիարդ մարդ ներգրավել:
«Եթե այս գնի դեպքում վիրտուալ իրականությունը չգրավի մասսայական շուկան, ապա կարծում եմ, էլ երբեք չի անի», - ասել է վերլուծաբան Ջոն Դելանին: