Իտալիայի բնակչուհին կարողացել է դատարանի միջոցով գործատուից հիվանդ շան խնամքի համար հիվանդության նպաստ ստանալ։
«Ինտերֆաքսի» հաղորդմամբ, Իտալիայի դատարանը նման որոշում է ընդունել պատմության մեջ առաջին անգամ, եւ դա կարող է նախադեպ հանդիսանալ։ Հայցվորը Հռոմի Սապիենզայի համալսարանի աշխատակցուհի է։ Նա երկու օր աշխատանքի չի գնացել կոկորդի կաթված ունեցող իր շան հիվանդության պատճառով, կենդանուն պահանջվել է վիրահատություն։ Ընդ որում, կինը միայնակ է ապրում, եւ շանն ուրիշ խնամող չկա։
Դատարանում նրան պաշտպանել են LAV կենդանիների պաշտպանության կազմակերպության իրավաբանները, որոնք հայցվորի բացակայությունը աշխատանքից արդարացրել են անձնական եւ ընտանեկան լուրջ հանգամանքներով։