Հոկտեմբերի 19-իՆ «Զվարթնոց» պատմամշակութային արգելոց-թանգարանում տեղի կունենա «Հայ դասական պոեզիան Տիգրան Մանսուրյանի երաժշտության մեջ» համերգ-երեկոն:
Մշակույթի նախարարությունից NEWS.am-ին հայտնում են, որ համերգ-երեկոյին մասնակցելու է Հայաստանի պետական կամերային երգչախումբը` գեղարվեստական ղեկավար և գլխավոր դիրիժոր Ռոբերտ Մլքեյանի ղեկավարությամբ, մենակատարներ` Իրինա Զաքյան (սոպրանո), Հենրիետա Հարությունովա (սոպրանո), Քրիստինե Սահակյան (մեցո սոպրանո), Յանա Դարյան (ալտ), Արթուր Ավանեսով (դաշնամուր):
Հիշեցնենք, որ «Հայ դասական պոեզիան Տիգրան Մանսուրյանի երաժշտության մեջ» համերգներ արդեն տեղի են ունեցել Վանաձորում, Արթիկում: Համերգային երեկոներին հնչել են Իսահակյանի և Չարենցի բանաստեղծությունների հիման վրա Մանսուրյանի ստեղծած երգերը:
