Հոկտեմբերի 9-21-ին Բուենոս Այրեսում Արգենտինայի մոդերնիզացիայի նախարարության հովանու ներքո անցկացվում է Հեռահաղորդակցման զարգացման համաշխարհային համաժողովը, որին մասնակցում են Հեռահաղորդակցման միջազգային միության անդամները:
Հայաստանի ԱԳՆ-ից NEWS.am-ին հայտնում են, որ հոկտեմբերի 11-ին համաժողովի շրջանակներում տեղի ունեցավ տարածաշրջանային առաջատար ընկերությունների մրցանակաբաշխությունը, որի ընթացքում «Տարածաշրջանային առաջատար ընկերություն» անվանակարգում մրցանակներ շնորհվեցին տարբեր մայրցամաքներ ներկայացնող հեռահաղորդակցման ոլորտի հինգ ընկերությունների:
Արեւելյան Եվրոպա տարածաշրջանի առաջատար ընկերություն մրցանակը ստացավ հայկական «Արմենտել» ընկերությունը:
Մրցանակի հանձնման հանդիսավոր արարողությանը մասնակցեց Արգենտինայում ՀՀ արտակարգ եւ լիազոր դեսպան Էսթերա Մկրտումյանը, ում փոխանցվեց խորհրդանշական պարգեւը:
