Միջուկային համաձայնագրից ԱՄՆ դուրս գալը կսրի Իրանի միջուկային խնդիրը, Թեհրանը կհետեւի Վաշինգթոնի օրինակին, դա միանշանակ կվնասի անվտանգության եւ միջուկային զենքի չտարածման մթնոլորտին ամբողջ աշխարհում, լրագրողներին ասել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստին»։
«Նման գործողությունները միանշանակ վնաս կպատճառեն կանխատեսելիության, կայունության եւ չտարածման մթնոլորտին ամբողջ աշխարհում։ Դա կարող է լրջորեն վատթարացնել Իրանի միջուկային խնդրի շուրջ իրավիճակը։ Մենք արդեն գիտենք Թեհրանի պատասխան արձագանքը. այն է՝ Թեհրանը նույնպես կլքի համաձայնագիրը։ Այդ պատճառով, անխոս, Ռուսաստանը կշարունակի հետեւել դիրքորոշմանը, որը բազմիցս ձեւակերպել է նախագահ Վլադիմիր Պուտինը, որն ուղղված է այդ խնդրի լուծման կարգը պահպանելուն, Իրանի միջուկային խնդրի լուծման կարգին եւ այն կարգին, որը թույլ կտա մեզ կանխել միջուկային զենքի տարածումը»,- ասել է Պեսկովը՝ պատասխանելով հարցին, թե ինչպիսին կլինի Ռուսաստանի արձագանքը, եթե ԱՄՆ-ը որոշեն դուրս գալ համաձայնագրից։ «Ցանկացած պարագայում, իհարկե, ամերիկյան կողմից հնարավոր նման գործողությունները կունենան բավական բացասական հետեւանքներ։ Դա ակնհայտ է»,- ավելացրել է նա։