Վանաձորցիների շրջանում ակտիվացել են դժգոհությունները կապված քաղաքում իրականացվող աղբահանության որակի հետ: Իրենց բողոքի ձայնն այս անգամ նրանք արտահայտել են Facebook սոցիալական ցանցում:Հոկտեմբերի 11-ից ֆեյսբուքում սկսված քաղաքի կեղտոտ հատվածների ու լիքն աղբարկղերի ինքնաբուխ ֆլեշմոբին միացան շատերը:
Վանաձորցիներն սկսեցին տարբեր հատվածներում լուսանկարել ու արված լուսանկարները թողնել իրենց էջերում, դրանք ուղեկցելով ամենատարբեր մեկնաբանություններով:
Հիշեցնենք, որ այս տարի Վանաձորի աղբահանության մրցույթը 137 մլն դրամով շահել է «Լայվ» ընկերությունը: Ընկերության տնօրեն Գարեգին Անտոնյանը դեռ ամիսներ առաջ տված հարցազրույցի ժամանկ վստահեցրել էր՝ իրենց աշխատանքով ամենալավ փոփոխություններն են բերելու Վանաձորին: