Մայրաքաղաքի ծննդյան տարեդարձին նվիրված տոնական միջոցառումների շարքում մայրաքաղաքի բնակիչներին ու հյուրերին Հյուսիսային պողոտայում եւ Կարապի լճի հարակից տարածքում տեղադրված լուսանկարչական տաղավարները հնարավորություն են տվել լուսանկարվել եւ մի քանի վայրկյանով հայտնվել ու զգալ Երեւանը երեք տարբեր ժամանակաշրջաններում:
«Զգա Երեւանը» խորագրով ծրագրի շրջանակում «Մարաշլեան ֆոտո ատելիեի» կողմից ձեւավորված երեք տաղավարներից առաջինում ստեղծված կերպարները խորհրդանշել են 19-րդ դարավերջի երեւանցուն, երկրորդ տաղավարը ձեւավորվել է ռետրո ոճով, իսկ լուսանկարչական երրորդ տաղավարն իր ժամանակակից ձեւավորմամբ բոլոր անցորդներին օրվա դրական էներգիան կիսելու հնարավորություն է տվել:
Պրոֆեսիոնալ լուսանկարիչների կողմից արված լուսանկարներն անվճար տրամադրվել են այցելուներին: Տաղավարները հատկապես գրավել են զբոսաշրջիկներին, որոնք ակամայից դարձել են Երեւանի մի մասնիկն ու զգացել սիրո քաղաքի ժամանակի ռիթմը:
