Իրանի շուկա դժվար է դուրս գալ, բայց հայկական ոչխարի միսը, միեւնույնն է, պատրաստ են այնտեղ գնել։ Այս մասին NEWS.am-ի հետ զրույցում ասել է «Ոսկե կացին» հայ-իրանական սպանդանոցի մենեջերներից Արբի Ավանեսյանը, որը «ԱրմՊրոդէքսպո 2017» ցուցահանդեսին ներկայացնում էր ընկերությունը։
Ցավոք սրտի, Իրանի սպառողների համար դժվար է գնել այն ամենը, ինչ նրանք գնում էին մինչեւ 2012 թվականին արժույթի անկումը։ Այդուհանդերձ, իրանցիները գնահատում են որակյալ ապրանքը։ «Մեր գործընկերները մեծածախ ներմուծողներ են Իրան եւ ասում են, որ խանութներն ու ռեստորաններն իրենց հետ կայուն աշխատում են։ Իսկ դա նշանակում է, որ հայկական ամիսը մրցունակ է տեղական շուկայում ոչ միայն որակով, այլ նաեւ գնով եւ անգամ տրանսպորտի ծախսերով»,- հավելել է նա։