Նոբելյան մրցանակի դափնեկիր Օրհան Փամուքը իտալական La Stampa պարբերականի հետ հարցազրույցում անդրադարձել է Թուրքիայի վիճակին։
Ինչպես տեղեկացնում է թուրքական Cumhuriyet–ը, իտալական պարբերականի հետ զրույցում Օրհան Փամուքը նշել է, թե ինքն այլեւս անաղմուկ է մեկնում Ստամբուլ։ «Իհարկե Արեւմուտքում դժվարությամբ եմ ապրում, սակայն Ստամբուլում քաղաքական տեսանկյունից չեմ կարող ապրել։ Չպետք է մոռանանք, որ վերջին ընտրություններում 50 տոկոսը Էրդողանի դեմ քվեարկեց։ Այսինքն այդպես միայն ես չեմ մտածում։
Ես հավատում եմ, որ Թուրքիայի ապագան Արեւմուտքն է։ Ես այդ հավատով եմ մեծացել։ Այսօր Թուրքիայում մտքի ազատություն չկա, եւ դա ինձ զայրացնում եւ տխրեցնում է»,–ասել է Օրհան Փամուքը։