ՀՀ մարդու իրավունքների պաշտպանի` որպես կանխարգելման ազգային մեխանիզմի գործառույթներն իրականացնող ստորաբաժանումը 2017 թվականի հոկտեմբերի 11-ից 13-ը մոնիթորինգային չհայտարարված այցեր է կատարել ՀՀ Վայոց ձորի եւ Սյունիքի ազատազրկման վայրեր, մասնավորապես՝ Վայոց ձորի եւ Սյունիքի մարզային վարչությունների ոստիկանության բաժիններ եւ ձերբակալված անձանց պահելու վայրեր, ՀՀ արդարադատության նախարարության «Գորիս» քրեակատարողական հիմնարկ եւ Սյունիքի մարզային նյարդահոգեբուժական դիսպանսեր:
Ուսումնասիրվել են նշված վայրերում ազատությունից զրկված անձանց պահման պայմանները, ընդհանուր վիճակը, ինչպես նաեւ դրանց համապատասխանությունը ներպետական եւ միջազգային չափանիշներին:
Արձանագրված խնդիրների կապակցությամբ նախապատրաստվում են իրավասու պետական մարմիններին ուղղված համապատասխան գրություններ:
