Մարդու իրավունքների եվրոպական դատարանը որոշել է, որ «Իվ Ռոշե» գործում Ալեքսեյ եւ Օլեգ Նավալնիների իրավունքները խախտվել են. 2 եղբայրների համար մոտ 82 հազար եվրոյի փոխհատոցում է նշանակվել, որոշումը դեռեւս ուժի մեջ չի մտել, նշված է դատարանի կայքում, փոխանցում է «ՌԻԱ Նովոստի»-ն:
Դատարանը միաձայն ընդունելի է ճանաչել հայցվորների բողոքում Մարդու իրավունքների եվրոպական կոնվենցիայի 6-րդ եւ 7-րդ հոդվածների վկայակոչումը (արդար դատաքննության եւ բացառապես օրենքի հիման վրա պատժի իրավունքը):
Ստրասբուրգի դատարանի կարծիքով՝ դատաքննությունը բավարար արդար չի եղել: Ըստ որում՝ ինչպես ավելի վաղ հայտնել էին Ռուսաստանի Արդարադատության նախարարությունից, ՄԻԵԴ-ը գործում չի դիտարկել քաղաքական ենթատեքստը:
Դատարանը որոշել է Ալեքսեյին վճարել մոտ 55 հազար եվրո եւ մոտ 27 հազար եվրո՝ Օլեգին:
Ռուսաստանի ԱՆ-ն ավելի վաղ հայտնել է այս գործով ՄԻԵԴ որոշման հետ իր անհամաձայնության մասին՝ հստակեցնելով, որ «հարցի հնարավոր բողոքարկման իրավական դիրքորոշումը կձեւակերպվի եռամսյա ժամկետում»: Ներկայումս Ստրասբուրգի դատարանի որոշումը դեռեւս ուժի մեջ չի մտել: