Բրիտանիայի հետախուզական ծառայությունները ստիպված են ահաբեկչության դեմ ավելի ակտիվ պայքար մղել, Լոնդոնում կայացած ճեպազրույցի ժամանակ ասել է ՄԻ-5 հակահետախուզության ղեկավար Էնդրյու Փարքերը, փոխանցում է BBC-ն:
Նրա խոսքով՝ իր գերատեսչությունը ներկայումս ավելի հաճախ է բախվում ահաբեկչության ուժգնացող սպառնալիքի հետ, եւ այն հայտնաբերելն ավելի է դժվարանում:
Այս տարի Մեծ Բրիտանիայում իրականացվել է 5 ահաբեկչական հարձակում: Փարքերը նշել է, որ դրանք ՄԻ-5-ի աշխատակիցների վրա ուժեղ բարոյական ազդեցություն են ունեցել՝ տեղեկացնելով, որ ներկայումս 500 գործողություն են անկացնում: Վերջին 4 տարիներին 20 հարձակում է կանխվել, այդ թվում՝ 7-ը վերջին 7 ամիսներին: Դրանք բոլորը կապված են իսլամական ծայրահեղականության հետ, հավելել է նա:
ՄԻ-5-ի ղեկավարը հայտնել է, որ 800 մարդ Բրիտանիայից մարտնչելու է մեկնել Սիրիա եւ Իրաք: