Սեյսմիկ պաշտպանության ծառայության (ՍՊԾ) սեյսմոլոգիական ցանցի կողմից հոկտեմբերի 12-18-ը գրանցված երկրաշարժերից 9-ի համար որոշվել են օջախի հիմնական պարամետրերը: Տեղի ունեցած սեյսմիկ իրադարձություններից 3-ը գտնվում են Հայաստանի Հանրապետության տարածքում՝ հոկտեմբերի 12-ին, ժամը 04:00-ին, M=1.4, Քարվաճառ քաղաքից 14 կմ դեպի հյուսիս-արեւմուտք, հոկտեմբերի 14-ին, ժամը 02:12-ին, M=1.0, Աշոցք գյուղից 11 կմ դեպի հյուսիս-արեւմուտք, հոկտեմբերի 15-ին, ժամը 09:37-ին, M=1.9, Գյումրի քաղաքից 34 կմ դեպի հարավ-արեւմուտք:
«ՍՊԾ» գործակալությունից NEWS.am-ին հայտնում են, որ տարածաշրջանում. 3 բալ եւ ավելի ուժգնությամբ գրանցվել է 2 երկրաշարժ: Հոկտեմբերի 14-ին Թուրքիայում` Արդահան քաղաքից 20 կմ դեպի հյուսիս-արեւմուտք գտնվող էպիկենտրոնով ստորգետնյա ցնցման ուժգնությունն էր 3 բալ (2.3 մագնիտուդ):
Հաջորդ օրը տեղի է ունեցել 4 բալ (3.2 մագնիտուդ) ուժգնությամբ երկրաշարժ Ադրբեջանի Մինգեչաուր քաղաքից 13 կմ դեպի հարավ-արեւմուտք:
Տարածաշրջանից դուրս. 6.0 մագնիտուդով երկրաշարժ է գրանցվել հոկտեմբերի 18-ին Պոլինեզիայում` Տոնգա կղզիների տարածքում, որի հետեւանքով զոհեր եւ ավերածություններ չկան:
