Մադրիդի եւ Կատալոնիայի տարածաշրջանային կառավարության միջեւ կոնֆլիկտում ԵՄ միջամտության համար հիմքեր չկան։ Այս մասին հայտարարել է Եվրոպական խորհրդի նախագահ Դոնալդ Տուսկը, փոխանցում է DW-ն։
Տուսկը հստակեցրել է, որ մշտական կապի մեջ է Իսպանիայի վարչապետ Մարիանո Ռախոյի հետ եւ, որ իրավիճակն Իսպանիայում իրեն «անհանգստացնում» է։ ԵՄ կառույցների եւ անդամ երկրների դիրքորոշումը հստակ է՝ միջնորդելու կամ միջազգային նախաձեռնությունների ու գործողությունների կարիք չկա։
Իրավիճակի շուրջ լայն քննարկումներ ես չեմ ակնկալում, նշել է Տուսկը։
«Մենք բոլորս ունենք մեր զգացմունքները, հայացքները, գնահատականները, սակայն, ֆորմալ ասած, այստեղ տեղ չկա ԵՄ միջամտության համար», -ավելացրել է Եվրոպական խորհրդի նախագահը։