Հայաստանի պետական պարտքը 2016 թ. գերազանցել է 50 տոկոսը, սակայն ըստ կանխատեսվող ցուցանիշների` նախատեսվում է 2022թ. մակարդակն իջեցնել` մոտեցնելով 40 տոկոսի: Այս մասին Հանքավանում տնտեսական ոլորտի լրագրողների համար մեկնարկած սեմինարի ժամանակ նշել է ՀՀ ֆինանսների նախարարի տեղակալ Արմեն Հայրապետյանը։
Սեմինարին մասնակցել է նաեւ ՀՀ ֆինանսների նախարար Վարդան Արամյանը։
Փոխնախարարի խոսքով, Հայաստանում պարտքը կայունացնող ներկա կանոններն են` կառավարության պարտքը չպետք է գերազանցի նախորդ տարվա ՀՆԱ-ի 60 տոկոսը: Հիսուն տոկոսը գերազանցելու դեպքում հաջորդ տարվա պետական բյուջեի դեֆիցիտը չպետք է գերազանցի ՀՆԱ-ի վերջին երեք տարիների ծավալների ﬕջին ցուցանիշի 3 տոկոսը:
Այս կանոնների պահանջների չհամապատասխանող` կառավարության պարտք առաջացնող գործարքն առ ոչինչ է: Այս կանոնները, ըստ ՀՀ ֆինանսների նախարարի տեղակալ, գլխավոր գանձապետ Ատոմ Ջանջուղազյանի` կոշտ են եւ հարկաբյուջետային քաղաքականությանը չեն տալիս բավարար ճկունություն եւ ավելի ﬔծ դեր տնտեսության կայունացման հարցում: Բացի այդ չեն նախատեսում բացառություններ, օրինակ` ճգնաժամ, աղետ, պատերազմ:
Այս առնչությամբ նշվել է, որ ցնցուﬓերի դեպքում չի բացառվում, որ ՀՀ-ն կգնա օրենսդրական փոփոխության:
