Իսպանիայի իշխանությունները Կատալոնիայի առաջնորդ Կառլես Պուչդեմոնին կալանավորելու մտադրություն չունեն: Հոկտեմբերի 22-ին այս մասին հայտնել է BBC-ն:
«Մենք ոչ մեկին կալանավորել չենք պատրաստվում եւ, իմիջիայլոց, չենք պատրաստվում չեղյալ համարել ինքնավարության ինքնակառավարումը: Իրականում Կատալոնիայի իշխանություններն են արհամարհում կատալոնական ինքնավարության կառավարման նորմերն ու կանոնները»,- հայտարարել է Իսպանիայի ԱԳ նախարար Ալֆոնսո Դաստիս Կեսեդոն:
«Այն, ինչ ստիպված ենք անել, անել ակամա, դա օրինական կարգի գործողության վերականգնումն է, Սահմանադրության վերականգնումը, ինչպես նաեւ կատալոնական օրենքների»,- հավելել է նա:
Կեսեդոյի խոսքով՝ Կատալոնիայում Մադրիդի բոլոր գործողություններն իրականացվում են Իսպանաիայի «Սահամանդրությանը լիովին համապատասխան»:
