Ադրբեջանի նախագահը իր հողից դուրս բարեհամբույր է ձեւանում, բայց երբ ոտքը դնում է հողի վրա, դառնում է ագրեսոր։ Այս մասին NEWS.am–ի հետ զրույցում ասել է ԱԺ ՀՀԿ խմբակցության ղեկավար Վահրամ Բաղդասարյանը։
Հիշեցնենք, որ Ժնեւում Սերժ Սարգսյան–Ալիեւ հանդիպումից հետո Սերժ Սարգսյանը հայտարաեց, որ Ալիեւի կողմից շահագրգռվածություն է նկատել սահմանին լարվածությունը թուլացնելու առումով։ Մինչդեռ այդ հայտարարությունից անմիջապես հետո սահմանին զոհ ունեցանք։
«Սա առաջին դեպքը չէ, որ անկանխատեսելի են նրանք եւ ցայտնոտի մեջ են։ Նա չի վայելում իր ժողովրդի վստահությունը, եւ այն միտումները, որ երբ դրսում պայմանավորվածություն է ձեռք բերվում , իսկ ներսում դառնում է գազան եւ ագրսեոր, նորություն չէ»,–ասել է ՀՀԿ խմբակցության ղեկավարը։
Վահրամ Բաղդասարյանը նշել է, որ միակ լուծումը տնտեսության ակտիվացումն ու ըստ այդմ՝ պաշտպանության ուժեղացումն է։
