Եվրոպայի խորհրդի Խորհրդարանական վեհաժողովի Հայաստանի պարտավորությունների մոնիթորինգի հարցով համազեկուցողներ Ջուզեպե Գալացը եւ Ալան Միլը նոյեմբերի 6-7-ը Երեւան կայցելեն:
Քննարկումների ընթացքում հիմնական ուշադրությունը կհատկացվի վերջին քաղաքական իրադարձություններին եւ ընթացիկ բարեփոխումներին, նոր Սահմանադրության պահանջների կատարմանը, դատական մարմինների անկախությանը եւ կոռուպցիայի դեմ պայքարին, ինչպես նաեւ 2017 թվականի ընտրություններից հետո հետագա բարեփոխումներին, այդ թվում՝ ձայների համար ընտրակաշառքի խնդրին:
Երեւանում համազեկուցողները կհանդիպեն ՀՀ նախագահի, Ազգային ժողովի նախագահի, վարչապետի եւ արդարադատության նախարարի հետ: Բանակցություններ են նախատեսված խորհրդարանում ներկայացված քաղաքական խմբակցությունների, ԵԽԽՎ-ում հայկական պատվիրրակության, իրավապաշտպանների եւ քաղաքացիական հասարակության ներկայացուցիչների հետ: