Ռուսաստանը շահագրգռված է հակամարտությունների կարգավորման գործում ԵԱՀԿ ակտիվ մասնակցությամբ: Այս մասին ԵԱՀԿ գլխավոր քարտուղար Թոմաս Գրեմինգերի հետ կայացած մամուլի ասուլիսում հայտարարել է Ռուսաստանի արտգործնախարար Սերգեյ Լավրովը, հաղորդում է «ՌԻԱ Նովոստի»-ն:
Նրա խոսքով՝ Մոսկվան շահագրգռված է, որ ԵԱՀԿ-ն ավելի ակտիվ աշխատի Մերձդնեստրի շուրջ ստեղծված իրավիճակի կարգավորման համար:
Լավրովը նաեւ նշել է, որ ռուսական կողմը շահագրգռված է «Անդրկովկասում եւ Բալկաններում կայունության վերաբերյալ Ժնեւի քննարկումներում» ԵԱՀԿ առավել ակտիվ դերակատարմամբ:
«Մենք նաեւ նշում ենք, որ ԵԱՀԿ Մինսկի խմբի համանախագահները կողմերի հետ միասին կարեւոր դեր են խաղում ղարաբաղյան հակամարտության կարգավորման հարցում»,-հավելել է նա: