Երեւանում 31-ամյա կինը ինքնասպանության փորձ է կատարել: Նոյեմբերի 7-ին, ժամը 07։50-ի սահմանում Երեւանի «Սուրբ Գրիգոր Լուսավորիչ» բժշկական կենտրոն Երևանի 1-03 շտապօգնության հերթապահ խմբի կողմից «պոլիտրավմա, կատատրավմա, գանգուղեղային տրավմա, աջ ազդրոսկրի կոտրվածք, սրունքոսկրի կոտրվածք» ախտորոշմամբ հիվանդանոց է տեղափոխվել մի քաղաքացի։
Shamshyan.com-ի փոխանցմամբ, շտապօգնության բրիգադը հիվանդանոցում հայտնել է, որ նրան տեղափոխել են Քանաքեռ-Զեյթուն վարչական շրջանի Յան Ռայնիսի փողոցի շենքերից մեկի բակից; Ոստիկանները պարզել են, որ հիվանդանոց տեղափոխվածը իրենց վարչական շրջանի բնակիչ՝ 31-ամյա Մարինե Շ.-ն է, ով նույն օրը, ժամը 04։30-ի սահմաններում ինքնասպանություն գործելու նպատակով իրենց տան հյուրասենյակի պատուհանից, որը 3-րդ հարկում է, ցած է նետվել։
Բժիշկները ոստիկաններին հայտնել են, որ Մ. Շ.-ն ի վիճակի չէ բացատրություն տալու։ Աղբյուրի տեղեկություններով՝ ինքնասպանության փորձը տեղի է ունեցել նրա մոր՝ 64-ամյա Լ. Շ.-ի ներկայությամբ: