Բելգիայի եւ Ճապոնիայի հավաքականների միջեւ ընկերական ֆուտբոլային հանդիպման ժամանակ, որը կայացել է նոյեմբերի 14-ին, մարզադաշտում կարող էր ահաբեկչություն տեղի ունենալ, հայտնում է RFI–ն՝ վկայակոչելով բելգիական լրատվամիջոցները։

Հաղորդվում է, որ Բրյուգեի «Յան Բրեյդել» ահաբեկչության նախապատրաստության մասին Բրյուսելի ոստիկանությունն իմացել էր կասկածյալների հեռախոսների գաղտնալսման միջոցով։

«Խաղից դեռ մեկ ժամ առաջ մենք չգիտեինք, թե այն կկայանա, թե ոչ»,– ասել է Բելգիայի ֆուտբոլի ֆեդերացիայի պաշտոնական ներկայացուցիչ Ստեֆան Վան Լուկը։

Արդյունքում իշխանությունները որոշել էին չհետաձգել խաղը, սակայն խստացրել էին հսկողությունը մարզադաշտի մուտքի մոտ։ Այդ պատճառով հարյուրավոր մարզասերներ հանդիպումը կարողացել էին դիտել մեկնարկից կես ժամ հետո միայն, գրում է Le Figaro–ն։

Հիշեցնենք, որ նոյեմբերի 13–ին Ֆրանսիայում նշում էին փարիզյան ահաբեկչությունների տարելիցը։ 130 մարդու կյանք խլած ահաբեկչական գրոհը սկսվել էր «Ստադ դե Ֆրանս» մարզադաշտից։