ԱՄՆ-ն երեք խորջրյա սարքավորումներ փորձառու նավաստի մասնագետների ուղեկցությմաբ կուղարկեն Արգենտինայի սուզանավը որոնելու համար, հաղորդում է «ՌԻԱ Նովոստին»՝ վկայակոչելով ԱՄՆ ռազմածովային ուժերի մամուլի ծառայությանը:
Նոյեմբերի 19-ին Կալիֆորնիայից դեպի Արգենտինա երեք C-17 ռազմատրանսպորտային ինքնաթիռներով կտեղափոխվիՄաք Քենի փրկարարական կամերան (SRM):
Արգենտինայում որոնմանն արդեն մասնակցում է ԱՄՆ R-8A ինքնաթիռը եւ P-3 ինքնաթիռը, որը պատկանում է ԱՄՆ NASA օդատիեզերական գործակալությանը:
Արգենտինայի ռազմածովային նավատորմի «Սան Խուան» սուզանավը Հարավային Ամերիկայի երկրի ափամերձ շրջանում նշանակված ժամին կապի մեջ չէր մտել:
1985-ին Գերմանիայում կառուցված դիզելային-էլեկտրական սուզանավում անձնակազմի 44 անդամ է եղել: Ըստ վերջին հաղորդումների՝ սուզանավը Ուշուայից Մար դել Պլատա էր ուղեւորվում եւ անհետացել է Սան Խորխեի ծոցում՝ ծովափից մոտ 240 ծովային մղոն հեռավորության վրա: