Բրազիլիայի Կամպու Լիմպու Պաուլիստա քաղաքի դեղատանը ոստիկանը փոքրիկ որդուն գրկում պահած գնդակահարել է 2 կողոպտիչներին, հայտնում է Folha de Sao Paulo-ն:

Տեղական ոստիկանության սերժանտը քաղաքացիական հագուստով կնոջ եւ երեխայի հետ դեղատանը գնումներ էր կատարում, երբ այնտեղ են ներխուժել 2 տղամարդ կողոպուտ կատարելու համար:

Իրավապահը հանել է ատրճանակը եւ կողոպտիչների վրա կրակել՝ այս ընթացքում շարունակելով գրկում պահել որդուն: Այնուհետեւ, ինչպես պատկերված է տեսահսկման խցիկների կադրերում, վազել է կնոջ մոտ երեխային նրան փոխանցելու: Հանցագործները տեղում մահացել են:

Հաղորդվում է, որ քրեական գործ է հարուցվել կողոպուտի եւ սպանության փորձով, ուստի ոստիկանի գործողությունները կորակվեն որպես ինքնապաշտպանություն: