ՌԴ նախագահ Վլադիմիր Պուտինը հեռախոսային խորհրդակցություններ կանցկացնի ԱՄՆ նախագահի եւ մերձավորարեւելյան տարածաշրջանի մի շարք երկրների առաջնորդների հետ: Այս մասին նա հայտնել է Սիրիայի նախագահ Բաշար Ասադի հետ բանակցությունների ժամանակ: Զրույցի սղագրությունը հրապարակված է Կրեմլի պաշտոնական կայքում:
«Մեր այսօրվա հանդիպման հիման վրա ես խորհրդակցություններ կանցկացնեմ այն երկրների առաջնորդների հետ, որոնց մասին արդեն հիշատակեցի: Արդեն այսօր ծրագրված է զրույց Կատարի էմիրի հետ, վաղը՝ ԱՄՆ նախագահ Դոնալդ Թրամփի, այնուհետեւ՝ տարածաշրջանի երկրների առաջնորդների հետ»,- ասել է Պուտինը:
ՌԴ նախագահը հիշեցրել է, որ նոյեմբերի 22-ին Սոչիում հանդիպելու է Թուրքիայի նախագահ Ռեջեփ Էրդողանի եւ Իրանի նախագահ Հասան Ռոհանիի հետ: «Բացի նշված գործընկերներից, դուք գիտեք, որ ակտիվորեն աշխատում ենք նաեւ այլ երկրների հետ՝ Իրաքի, ԱՄՆ-ի, Եգիպտոսի, Սաուդյան Արաբիայի, Հորդանանի հետ: Մենք այս գործընկերների հետ մշտական շփման մեջ ենք»,- նշել է Պուտինը: