Իրաքի զինվորական ուժերը նոյեմբերի 25-ին «Իսլամական պետություն» խմբավորման ահաբեկիչներից ամբողջությամբ ազատագրել են Ջազիրա անապատի Սալահ էդ Դին եւ Անբար բնակավայրերի միջեւ ընկած տարածքները, հաղորդել է Իրաքի ալ Խաշդ աշ Շահաբի աշխարազորի հրամանատարությունը, փոխանցում է «ՌԻԱ Նովոստին»:
«Ալ Հաշդ աշ Շահաբին ավարտել է Ջազիրայի անապատային շրջանի ազատագրումը, որը գտնվում է Սալահ էդ Դին եւ Անբար բնակավայրերի միջեւ եւ համարվում էր ԻՊ ամենագլխավոր թաքստոցներից մեկը: Սիրիայից Աջակցության կենտրոնը այդ բնակավայրերի ուղղությամբ է գնում », -ասվում է հրամանատարության հայտարարության մեջ:
Հաղորդվում է նաեւ, որ ԻՊ խմբավորումից միայն մի մաս է մնացել արեւմուտքում՝ Սիրիայի մերձսահմանային հատվածում, որը Էլ Կաիմ քաղաքից դեպի հյուսիս է գտնվում:
Ինչպես նշել է զորախումբը ազատագրման ընթացքում «ոչնչացվել են ԻՊ տասնյակ զինյալներ ու բացահայտվել են կարեւորագույն գաղտնի թաքստոցներ եւ զենքի, տեխնիկայի ու հաղորդակցության միջոցների պահպանության վայրեր»: