Համաշխարհային տուրիստական կազմակերպությունը Հայաստանն ընդգրկել է երկրների ցանկում, որտեղ արժի զբոսաշրջիկներին մեկնել:
Կազմակերպությունն ամեն տարի տեղեկություններ է տրամադրում տուրիզմի ոլորտի վերջին թրենդների մասին: Հայաստանը մտել է ամենաարագ զարգացող տուրիստական ուղղությունների քսանյակի մեջ, հայտնում է Travel and Leisure կայքը:
«Հայաստանն իր երկարատեւ պատմության ընթացքում (ավելի քան 3 հազար տարի) տառապել է հակամարտությունների հերթագայությունից: Սակայն հիմա, ավելի կայուն ժամանակներում, երկում վերջին տարում տուրիզմի ոլորտում 18 տոկոսով աճ է նկատվում: Քանի որ այն աշխարհում առաջին քրիստոնեական երկիրն է, ամենահայտնի տուրիստական շատ տեսարժան վայրեր՝ եկեղեցիներ, թվագրվում են հազարավոր տարիներով»,- նշված է կայքում:
Ցանկի մեջ են ընդգրկվել նաեւ Եգիպտոսը, Թունիսը, Վիետնամը, Իսլանդիան, Ուրուգվայը, Մալթան, Չեռնոգորիան, Սեյշելյան կղզիները եւ այլ երկրներ:
