Թունիսի հյուսիսային Ջենդուբա նահանգում իրավապաշտպան մարմինների աշխատակիցները բացահայտել են արմատական իսլամիստական (թաքվիրիստական) բջջի գործունեությունը, որը ծրագրել էր գրոհ իրականացնել տարածաշրջանի անվտանգության ուժերի աշխատակիցների վրա, հաղորդում է ՏԱՍՍ-ը՝ հղում անելով հյուսիսաֆրիկյան հանրապետության Ներքին գործերի նախարարությանը:
«Ջանդուբա նահանգի ազգային անվտանգության ստորաբաժանումները բացահայտել են թաքվիրիստական բջջի գործունեությունը»,- ասվում է փաստաթղթում; - Հարցաքննության ընթացքում կալանավորվածները խոստովանել են, որ իրենք կապի մեջ են եղել հարեւան պետության զինյալների հետ՝ զենք ստանալու նպատակով: Իսլամիստները ծրագրել էին պայթուցիկներ արտադրել իրենց ահաբեկչական ծրագրերի համար»:
Գերատեսչությունը նաեւ հայտնում է, որ Մեդենին նահանգում կալանավորվել է ահաբեկչությանը մասնակից լինելու մեջ կասկածվող 3 մարդ:
«Կալանավորվածների տարիքը տատանվում է 23-33 տարեկանի միջեւ, նշվում է փաստաթղթում: - Կասկածյալներն զբաղվել են Էքստրեմիստական գաղափարախոսության տարածմամբ»: