Եվրամիությունը եւ Վերակառուցման ու զարգացման եվրոպական բանկը ծրագրում են Հայաստանի կապիտալի շուկայում 40 մլն եվրոյի ներդրումներ կատարել:
Դեկտեմբերի 6-ին ԵՄ հայաստանյան ներկայացուցչության հետ համագործակցության բաժնի ղեկավար Հոա-Բին Աճեմյանը հայտնեց, որ փոքր եւ միջին ձեռներեցներին աջակցությունը Հայաստանի հետ համագործակցության հիմքն է: «Վերջին 3 տարիներին Հայաստանում ավելի քան 250 փոքր եւ միջին ձեռներեցներ օգտվել են քոնսալթինգային ծառայություններից»,- նշեց նա:
Հիշեցնենք, որ դեկտեմբերի 6-ին Երեւանում մեկնարկել է ֆինանսական խորհրդատուների որակավորման եռօրյա դասընթացը: Նախագծի նպատակն է ՓՄՁ-ին տրամադրվող քոնսալթինգային ծառայությունների արդյունավետության բարձրացումը:
Նշենք, որ ՎԶԵԲ-ն Հայաստանում աշխատել սկսելու պահից (1992 թվականից) երկրի տնտեսության մեջ 1,12 մլրդ եվրո է ներդրել, մասնավորապես՝ ֆինանսների, ենթակառուցվածքների, էներգետիկայի, բիզնեսի ոլորտներում 161 ծրագրերի իրականացման մեջ: Ներդրումների 89 տոկոսը բաժին է հասել մասնավոր հատվածին:
