Ֆրանսիայի նախագահ Էմանուել Մակրոնն ասել է, որ չի աջակցում ԱՄՆ նախագահ Դոնալդ Թրամփի՝ Երուսաղեմը որպես Իսրայելի մայրաքաղաք ճանաչելու «միակողմանի» որոշմանը եւ ամբողջ տարածաշրջանում հանգստության կոչ է արել, հաղորդում է Reuters-ը:
«Այս որոշումը ցավալի է, Ֆրանսիան այն հավանության չի արժանացնում, այն հակասում է միջազգային իրավունքի եւ ԱՄՆ Անվտանգության խորհրդի բոլոր բանաձեւերին», - Ալժիրում կայացած մամուլի ասուլիսում ասել է Մակրոնը:
«Երուսաղեմի կարգավիճակը միջազգային անվտանգության խնդիր է, որը վերաբերում է ամբողջ միջազգային հանրությանը: Երուսաղեմի կարգավիճակը պետք է ՄԱԿ հովանու ներքո բանակցությունների շրջանակում որոշվի Իսրայելի եւ Պաղեստինի կողմից», - ասել է նա: