ԱՄՆ նախագահ Դոնալդ Թրամփը Պաղեստինի առաջնորդ Մահմուդ Աբասին առաջարկել է այցելել Սպիտակ տուն, այն ժամանակ, երբ ԱՄՆ փոխնախագահ Մայքլ Փենսի Պաղեստինի ազգային վարչակազմ այցը ընդհատվել էր՝ Վաշինգթոնի՝ Երուսաղեմն Իսրայելի մայրաքաղաք ճանաչելու պատճառով, հաղորդում է իսրայելական Haaretz պարբերականը:
Պարբերականի տվյալներով՝ Թրամփը Աբասին առաջարկել է հանդիպել առաջիկա մի քանի շաբաթում: Այդ ընթացքում նա պետք է բուժման համար Վաշինգթոնում գտնվի: Հրավերքը հնչեցվել է ԱՄՆ ղեկավարի կողմից՝ Աբասի հետ դեկտեմբերի 5-ին ունեցած հեռախոսազրույցի ժամանակ: Հանդիպման ստույգ ժամանակն առայժմ հայտնի չէ, պարբերականին հայտնել են Թրամփի աշխատակազմից:
Մայքլ Փենսը մոտ օրերս պատրաստվում է այցելել Իսրայել: Նախօրեին Պաղեստինի իշխանությունները հրաժարվել են նրան ընդունել: Պաղեստինում այդպիսով պատասխանել են ամերիկյան իշխանությունների՝ Երուսաղեմը հրեական պետության մայրաքաղաք ճանաչելու որոշմանը, փոխանցում է տեղական Maan գործակալությունը:
«Մենք պաղեստինյան տարածքներում չենք ընդունի ԱՄՆ փոխնախագահին ՝ ի պատասխան գրավյալ Երուսաղեմն Իսրայելի մայրաքաղաք ճանաչելու որոշման», - հայտարարել է իշխող պաղեստինյան ՖԱԹՀ շարժման ներկայացուցիչ Ջեբրաիլ Ռաջուբը: Ըստ նրա՝ Փենսը փորձել է Մահմուդ Աբասի հետ պայմանավորվել հանիպման համար, բայց նրան մերժել են: