Հաջորդ տարի ծրագրվում է չվերթների բացում Կազանից Բելառուս, Հայաստան եւ Վրաստան: Այդ մասին «Թաթար-ինֆորմ»-ի հետ հարցազրույցի ժամանակ ասել է Թաթարստանի տրանսպորտի եւ ճանապարհային տնտեսության նախարար Լենար Սաֆինը:
Ռոսավիացիան նոյեմբերի սկզբին թաթարական «ՅուՎՏ Աէրո» ավիաընկերությանը Կազանից դեպի Մինսկ փոխադրումների թույլտվություն էր տվել: Մնում է թույլտվություն ստանալ Բելառուսից, ասել է նախարարը:
«Մենք նպատակադրվել ենք ընդլայնել թռիչքների աշխարհագրությունը եւ ձգտում ենք Թաթարստանը ավելի լավ կապել այլ երկրների հետ, այսինքն՝ նկատելիորեն մեծացնել միջազգային գործընկերների թիվը»,- ընդգծել է Սաֆինը:
