«Իսլամական պետություն» ահաբեկչական խմբավորումը վերջնական ու լիակատար պարտություն է կրել։ Այդ մասին հայտարարել է ՌԴ արտգործնախարար Սերգել Լավրովը, փոխանցում է RT-ը:
«ԻՊ-ին հասցվել է վերջնական ու լիակատար պարտություն, նախագահը տվել է համապատասխան գնահատականները: Մնացած օջախները որեւէ լուրջ սպառնալիք չեն ներկայացնում: Նրանք կճնշվեն»,- հայտարարել է Լավրովը: Նա նշել է նաեւ, որ Իդլիբում բարդ իրավիճակը պահպանվում է:
«Մենք թուրք, իրանցի եւ սիրիացի գործընկերների հետ աշխատանք ենք տանում, որպեսզի Սիրիայի արաբական հանրապետության այդ հատվածում հնարավորինս արդյունավետ վերականգնենք ապաէսկալացիայի գոտու գործառույթները», - հավելել է Լավրովը: Նա նաեւ հստակեցրել է, որ Ռուսաստանը Սիրիայի այդ շրջանի շուրջ ԱՄՆ-ի հետ ծրագրեր չունի: Ըստ նրա՝ դա արդյունավետ չէ: