Վիեննայում Հայաստանի արտաքին քաղաքական գերատեսչության ղեկավար Էդվարդ Նալբանդյանի եւ Ադրբեջանի արտգործնախարար Էլմար Մամեդյարովի հանդիպումից հետո երեք համանախագահ երկրների արտաքին գերատեսչությունների ղեկավարների հայտարարությունն առ այն, որ ԼՂ խնդիրը պետք է լուծվի բացառապես խաղաղ ճանապարհով, շատ կարեւոր է: Այս մասին այսօր՝ նոյեմբերի 8-ին, ՀՀԿ Գործադիր մարմնի նիստից հետո ասել է ՀՀԿ խոսնակ Էդուարդ Շարմազանովը:
«Երեք համանախագահ երկրների արտաքին գերատեսչությունների ղեկավարների հայտարարությունն առ այն, որ ԼՂ խնդիրը պետք է լուծվի բացառապես խաղաղ ճանապարհով, Մինսկի խմբի համանախագահության ձեւաչափով, Մինսկի սկզբունքների հիման վրա: Սա շատ կարեւոր է, սա այն է, ինչ մեկ տարուց ավելի պնդում է հայկական կողմը: Մենք նշում ենք, որ առանց այս պայմանավորվածությունների իրականացման անհնար է որեւէ առարկայական առաջընթաց ակնկալել մեր բանակցային գործընթացում: Մենք բացառում ենք խնդիրը ռազմական ուղով լուծումը, մենք տարածաշրջանում բացառապես խաղաղության պահպանման կողմնակից ենք»,-ասաց նա:
Հիշեցնենք, որ Վիեննայում աշխատանքային այցելությամբ գտնվող Հայաստանի արտաքին քաղաքական գերատեսչության ղեկավար Էդվարդ Նալբանդյանը դեկտեմբերի 6-ին հանդիպել է Ադրբեջանի արտգործնախարար Էլմար Մամեդյարովի հետ։
