Չինաստանի իշխանությունները եւ Պանամայի կառավարությունը համաձայնագիր են ստորագրել երկաթուղային տրանսպորտի ոլորտում համագործակցության մասին, որի հիման վրա Չինաստանը ձեռնարկում է այդ երկրի տարածքով ուղեւորա-եւ բեռնափոխադրումների համար հաղորդակցության գծերի շինարարական նախագիծ, հայտնում է ՏԱՍՍ-ը։ Չինաստանի առեւտրի նախարարությունը հայտնել է, որ  այդ նախագիծը պլանավորվում է իրականացնել «Մեկ գոտի, մեկ ճանապարհ» նախաձեռնության շրջանակում։

Գերատեսչության  պաշտոնական կայքում տեղ գտած հայտարարության մեջ ասվում է, որ համապատասխան  փաստաթուղթը Պանամայի մայրաքաղաքում ստորագրել են Չինաստանի առեւտրի նախարար Չժուն Շանն ու Պանամայի ԱԳ նախարարի ժ․պ․ Լուիս Միգել Ինկապիեն։